’చిరంజీవి’వా ’ఠాగూర్’రా?

సొంతంగా రాజకీయపార్టీ పెట్టాలనుకుని చిరంజీవి నిర్ణయించుకోవడం దాదాపు పూర్తయినట్టు తెలుస్తోంది. నిర్ణయం తీసుకోవడంలో ఆయన తటపటాయిస్తున్నారన్న అపవాదు ఉన్నప్పటికీ ఆయన మంచి సమయం కోసమే ఎదురు చూస్తున్నట్టు సినీవర్గాలు చెబుతున్నాయి.రాబోయే అసెంబ్లీ ఎన్నికలకు ఏడెనిమిది నెలల ముందు పార్టీని ప్రకటించాలని ఆయన యోచిస్తున్నట్టు తెలుస్తోంది. పదిహేను నెలల ముందే పార్టీని ప్రకటిస్తే ఆ టెంపోను మెయింటైన్ చేయడం కష్టమని, ఖర్చులను తట్టుకోవడం కూడా అనవసరమని చిరంజీవి క్యాంప్ లోని ముఖ్యులు చర్చిస్తున్నట్లు సమాచారం. ఈ దిశగా ఇప్పటికే చిరంజీవి అడుగులు ముందుకు వేయడమే కాకుండా, తన తమ్ముడు నాగబాబు ద్వారా లోయర్ కేడర్ను బలోపేతం చేసే పనులలో నింగ్నమైనట్లు సమాచారం. అయితే ఈ పార్టీకి "చిరంజీవి" పార్టీ అని పెడదామని కొందరు భావిస్తుండగా, చిరంజీవి సన్నిహితులు మాత్రం "ఠాగూర్" పార్టీ అని నామకరణం చేస్తే బావుంటుందని భావిస్తున్నట్లు తెలిసింది.