చిరంజీవి పార్టీకి విజయశాంతి మద్దతు?

చిరంజీవి సరసన హీరోయిన్ గా అనేక సినిమాల్లో నటించిన విజయశాంతి ఇప్పుడు చిరంజీవి పెట్టబోయే పార్టీలో చేరడానికి సిద్ధమవుతున్నట్టు సమాచారం. "ప్రత్యేక తెలంగాణ, ఆంధ్ర అభివృద్ధి, అవినీతి నిర్మూలన" ఎజెండాగా ముందుకు రానున్న చిరంజీవి పార్టీలో చేరి తెలంగాణలో ప్రచారం చేసి ఒక ముఖ్య నాయకురాలిగా ఎదగాలన్న ఆలోచన విజయ శాంతికి ఉన్నట్టు ఆమె సహచరులు చెబుతున్నారు.టీఅర్ ఎస్ తో చిరంజీవి పొత్తు పెట్టుకుంటారన్న ఫీలర్స్ రావడంతో అలర్ట్ అయిన విజయశాంతి చిరంజీవిని వ్యక్తిగతంగా కలుసుకుని ఆయన పెట్టబోయే పార్టీకి తన మద్దతు ప్రకటించినట్టు తెలుస్తోంది.