తమిళనాడులో విజయకాంత్ టీవీ ఛానల్

తమిళనాడులో మరో టీవీ ఛానల్ ఏర్పాటుకు రంగం సిద్ధమవుతోంది. ప్రజలను ఆకర్షించడానికి టీవీ ఛానళ్ల ఏర్పాటే సరైన నిర్ణయమని రాజకీయ నాయకులు భావిస్తున్న తమిళనాడులో డి.ఎం.డి.కె.కు అనుకూలంగా ప్రచారం చేసుకోవడానికి వీలుగా సినీ నటుడు విజయకాంత్ టీవీ ఛానల్ ఏర్పాటుకు ముందుకువచ్చారు. కెప్టెన్ ఛానల్ తో పాటు పక్ష పత్రికను కూడా ప్రారంభించాలని భవిస్తున్నట్లు తమిళనాడు వర్గాల భోగట్టా! తమ టీవీ ఛానల్ లో 24గంటల పాటు ప్రసారమయ్యే వార్తలకు తోడు వినోద కార్యక్రమాలు కూడా ఉంటాయని విజయకాంత్ పార్టీ నాయకుడైన ఆయన బంధువు సుధీష్ తెలిపారు.