తరగని అందం సోగ్గాడి సొంతం!

శోభన్ బాబు
జన్మ నామం	ఉప్పు శోభానా చలపతి రావు
జననం	జనవరి 14, 1937 చిన నందిగామ (కృష్ణ జిల్లా ,మైలవరం సమీపంలో ఉంది),ఆంధ్రప్రదేశ్
మరణం	మార్చి 20, 2008 చెన్నై గుండెపోటు
నివాసం	చెన్నై
ఇతర పేర్లు	నటభూషణ,సోగ్గాడు
వృత్తి	నటన
భార్య/భర్త	శాంత కుమారి
సంతానం	కరుణా శేషు,(కుమారుడు),మృదుల నివేదిత,ప్రశాంతి(కుమార్తెలు)
తండ్రి	ఉప్పు సూర్య నారాయణ రావు

బాల్యం

శోభన్ బాబు అసలు పేరు ఉప్పు శోభనా చలపతిరావు. ఆయన జనవరి 14, 1937న కృష్ణా జిల్లా తెలివిదేవరపాడులో ఒక సామాన్య రైతు కుటుంబంలో జన్మించాడు. ఆయన తండ్రి పేరు ఉప్పు సూర్యనారాయణ రావు. మైలవరం హైస్కూల్లో చదివేరోజుల్లో శోభన్ బాబు నాటకాల పైన ఆసక్తి పెంచుకొని అనతికాలంలో మంచి నటుడిగా పేరు పొందాడు. హైస్కూలు చదువు పూర్తి అయిన తర్వాత విజయవాడలో ఇంటర్మీడియట్ మరియు డిగ్రీ చదువు పూర్తి చేసాడు.

సినీరంగ ప్రవేశం

మద్రాసులో లా కోర్సులో చేరినప్పటికీ నటన పైన ఆసక్తితో మధ్యలో ఆపివేసి సినిమా ప్రయత్నాలు మొదలు పెట్టాడు. అప్పుడే తన పేరును శోభన్ బాబుగా మార్చుకున్నాడు. 1960లో భక్త శబరి చిత్రంలో రామునిగా నటించి తెరంగ్రేటం చేసాడు. ఆయన నటనకు మంచి పేరు వచ్చినా, చిత్రం విజయం సాధించకపోవడంతో అవకాశాలు రాలేదు. అప్పటికే పెళ్ళయి భార్య పిల్లలతో ఉన్న శోభన్ బాబు ఆర్థిక సమస్యలను ఎదుర్కొంటూ, వచ్చిన అవకాశాలను సద్వినియోగం చేసుకుంటూ చిన్న చిన్న పాత్రలను కూడా పోషించసాగాడు. అందులో శోభన్ బాబుకు మంచి పేరు తెచ్చిన పాత్రలు: అభిమన్యుడిగా నర్తనశాలలో, అర్జునుడుగా భీష్మలో, లక్ష్మణుడుగా సీతారామకల్యాణంలో.

విజయపరంపర

శోభన్ బాబు వీరాభిమన్యు చిత్రంలో హీరోగా అభిమన్యుడి పాత్రలో తన నటనా చాతుర్యాన్ని చాటిచెప్పాడు.వెంటనే లోగుట్టు పెరుమాళ్ళకెరుక సినిమాలో సోలో హీరోగా నటించాడు. అది విజయం సాధించడంతో మరిన్ని అవకాశాలు రావడం మొదలు పెట్టాయి. ఆ తర్వాత మనుషులు మారాలి, చెల్లెలి కాపురం, దేవాలయం, కళ్యాణ మంటపం, మల్లెపువ్వు మొదలయిన చిత్రాల ఘన విజయాలతో అగ్ర నటుడిగా ప్రేక్షకుల గుండెల్లో సుస్థిర స్థానాన్ని ఏర్పరుచుకొన్నాడు.

వైవిధ్యం

అనతి కాలంలో దేవత, పండంటి కాపురం, కార్తీక దీపం వంటి కుటుంబ కథా చిత్రాలలో నటించి మహిళా ప్రేక్షకులకు ఆరాధ్య కథానాయకుడయ్యాడు. దాదాపు అన్ని కుటుంబ చిత్రాలలో బాధ్యత గల కుటుంబ పెద్దగా, భార్యను ప్రేమించి గౌరవించే వ్యక్తిగా గౌరవప్రదమయిన పాత్రలు పోషించాడు. అప్పట్లో అమ్మాయిలు తమకు కాబోయే భర్త శోభన్ బాబులా అందగాడు మాత్రమే కాకుండా ఆయన పోషించే పాత్రల వ్యక్తిత్వం కలిగి ఉండాలని కోరుకొనేవారు!

రాముడు, కృష్ణుడు, అభిమన్యుడు మొదలయిన పౌరాణికి పాత్రలే కాకుండా కొన్ని జానపద చిత్రాల్లో కూడా నటించాడు. అప్పటికే అగ్ర హీరోగా ఉన్నా, కాంబినేషన్ చిత్రాలలో ఎటువంటి భేషజాలు లేకుండా సాటి హీరోలతో నటించేవాడు. కొన్ని కాంబినేషన్ చిత్రాలు: ఎన్‌టీ్ఆర్ తో: ఆడపడుచు, విచిత్ర కుటుంబం. అక్కినేని నాగేశ్వరరావుతో: పూలరంగడు, బుద్ధిమంతుడు. కృష్ణతో: మంచి మిత్రులు, ఇద్దరు దొంగలు

ఆయనకున్న బిరుదులు: నటభూషణ, సోగ్గాడు, ఆంధ్రా అందగాడు.

ఆణిముత్యాలు

శోభన్ బాబు నటజీవితంలో ఎన్నో చిత్రాలు ఘనవిజయం సాధించి ఆయనకు మంచి పేరు తెచ్చిపెట్టాయి. కొన్ని తెలుగు సినీ చరిత్రలో ఆణిముత్యాలుగా నిలిచిపోయాయి.

• మనుషులు మారాలి: యావత్ తెలుగు సినీ అభిమానులను ఉలిక్కిపడేలా చేసిన ఈ సినిమాలో కార్మిక నాయకుడిగా శోభన్ బాబు నటన అద్వితీయం. ఈ సినిమా అప్పట్లో 25 వారాలు ఆడింది.
• చెల్లెలి కాపురం: అప్పటికే అందాల నటుడిగా ఆంద్రలోకమంతా అభిమానులను సంపాదించుకున్న శోభన్ బాబు నట జీవితంలో ఈ చిరం కలికితురాయి. అంద వికారుడయిన రచయితగా చెల్లెలి కోసం తాపత్రయ పడే అన్నగా ఆయన నటన చిరస్మరణీయం.
• ధర్మపీఠం దద్దరిల్లింది: తన కన్న కొడుకులు ముగ్గురూ అవినీతికి పాల్పడుతుంటే చూసి సహించలేక ముగ్గురినీ అంతంచేసే తండ్రిగా శోభన్ బాబు ప్రదర్శించిన నటన అసామాన్యం.

అవార్డులు-రివార్డులు

• ఫిల్మ్ ఫేర్ అవార్డు: 1971, 1974, 1976, 1979
• ఉత్తమ నటుడిగా నంది అవార్డు: 1969, 1971, 1972, 1973, 1976
• సినీగోయెర్స్ అవార్డు: 1970,1971,1972,1973,1974,1975,1985,1989
• వంశీ బర్కిలీ అవార్డు: 1978, 1984, 1985
• కేంద్ర ప్రభుతం చేత ఉత్తమ నటుడు అవార్డు: బంగారు పంజరం సినిమాకు 1970లో

వ్యక్తిగత జీవితం

శోభన్ బాబుకు మే 15, 1958న కాంత కుమారితో వివాహమయినది. ఆయనకు ఒక కుమారుడు, ముగ్గురు కుమార్తెలు. వారి పేర్లు: కరుణ శేషు, మృదుల, ప్రశాంతి, నివేదిత. సినీరంగంలో ఉన్నా, ఆయన ఎన్నడూ ఎటువంటి వ్యసనాలకు లోను కాలేదు. ప్రతిరోజు సాయంత్రం షూటింగ్ అయిన వెంటనే ఇంటికి చేరుకొని కుటుంబ సభ్యులతో సమయం గడిపేవాడు. వృత్తికంటే కుటుంబంతో గడపడానికే ప్రాధాన్యతనిస్తూ అదే విషయాన్ని తోటినటులకు చెప్పేవాడు. ఆయన తన సంతానాన్ని ఎన్నడూ సినీరంగంలోకి తీసుకొని రాలేదు. వయసు పైబడుతున్నపుడు కూడా హీరోగా నటించాడే తప్ప చిన్న పాత్రలు పోషించలేదు. వ్యక్తిగా శోభన్ బాబు చాలా నిరాడంబరుడు. ఎంతో డబ్బు సంపాదించినా ఎన్నడూ ఆడంబర జీవితం గడపలేదు. డబ్బును పొదుపు చేయడంలో మరియు మదుపు చేయడంలో ఎందరికో ఆదర్శంగా నిలిచాడు. ఎందరికో సహాయాలు, దానాలు చేసినా, ఎందరికో ఇళ్ళు కట్టించినా ప్రచారం చేయించుకోలేదు.

చివరి దశ

ఎన్నటికీ ప్రేక్షలు మనసులో అందాల హీరోగా ఉండిపోవాలని భావించిన శోభన్ బాబు 220 పైగా చిత్రాలలో నటించి 1996లో విడులయిన హలో..గురూ చిత్రంతో తన 30 ఏళ్ళ నటజీవితానికి స్వస్థి చెప్పి చెన్నైలో తన కుటుంబ సభ్యులతో ఆనందంగా కాలం గడిపేవాడు. శోభన్ బాబు 2008, మార్చి 20 ఉదయం గం.10:50ని.లకు చెన్నై లో దివంగతులయ్యారు.

100రోజులు పైన ఆడిన చిత్రాలు (సెంటరులు)

• వీరాభిమన్యు (11)
• పొట్టిప్లీడరు (2)
• మనుషులు మారాలి (7)
• తాసిల్దారుగారి అమ్మాయి (6)
• సంపూర్ణ రామాయణం (8)
• జీవన తరంగాలు (2)
• పుట్టినిల్లు మెట్టినిల్లు (2)
• అందరూ దొంగలే (3)
• మంచిమనుషులు (10)
• జేబుదొంగ (9)
• సోగ్గాడు (19)
• మల్లెపూవు (1)
• కార్తీకదీపం (10)
• జూదగాడు (5)
• గోరింటాకు (9)
• కోడళ్ళొస్తున్నారు జాగ్రత్త (2)
• పండంటి జీవితం (4)
• ఇల్లాలు (8)
• మహారాజు (1)
• ఖైదీ బాబాయ్ (2)
• ఇల్లాలు ప్రియురాలు (8)
• ప్రేమ మూర్తులు (2)
• దేవత (17)
• ముందడుగు (17)
• సర్పయాగం (1)
• ఏవండీ ఆవిడ వచ్చింది (2)

నటించిన సినిమాలు

క్ర. సం.	సంవత్సరం	చ్రిత్రం పేరు	కథానాయిక	దర్శకుడు
1	1959	దైవబలం		వసంతకుమార్ రెడ్డి
2	1960	భక్త శభరి		చైత్రపు నారాయణ రావు
3	1961	సీతారామ కళ్యాణం		యన్.టి. రామారావు / యన్.ఎ.టి. యూనిట్
4	1962	భీష్మ		బి.ఎ. సుబ్బారావు
5	1962	మహామంత్రి తిమ్మరుసు		కమలాకర కామేశ్వరరావు
6	1963	ఇరుగు-పొరుగు		టి.యన్. మూర్తి
7	1963	సోమవార వ్రత మహత్యం	ఆదోని లక్ష్మి	ఆర్.యమ్.కృష్ణస్వామి
8	1963	పరువు ప్రతిష్ట		మనపురమ్
9	1963	లవకుశ		సి.పుల్లయ్య / సి.యస్.రావు
10	1963	చదువుకున్న అమ్మాయిలు	సావిత్రి	ఆదుర్తి సుబ్బారావు
11	1963	నర్తనశాల	యల్. విజయలక్ష్మి	కమలాకర కామేశ్వరరావు
12	1964	నవగ్రహ పూజామహిమ		బి. విఠలాచార్య
13	1964	కర్ణ (తమిళం)		బి.ఆర్. పంతులు
14	1964	దేశద్రోహులు		బొల్లా సుబ్బారావు
15	1964	మైరావణ		బి.ఎ. సుబ్బారావు
16	1965	సుమంగళి	జయంతి	ఆదుర్తి సుబ్బారావు
17	1965	ప్రమీలార్జున యుద్దమ్	వాణిశ్రీ	యం. మల్లికార్జున రావు
18	1971	ప్రతిజ్ఞాపాలన		సి.యస్. రావు
19	1965	వీరాభిమన్యు	కాంచన	వి. మధుసూధన రావు
20	1966	శ్రీకృష్ణ పాండవీయం		యన్.టి. రామారావు
21	1966	లోగుట్టు పెరుమాళ్ళకెరుక	రాజశ్రీ	కె.యస్.ఆర్. దాస్
22	1966	పరమానందయ్య శిశ్యుల కధ	అత్తిలి లక్ష్మి	సి. పుల్లయ్య
23	1966	పొట్టి ప్లీడర్	గీతాంజలి	కె.హేమాంభరధర రావు
24	1966	భక్త పోతన	కె.ఆర్.విజయ	జి. రామినీడు
25	1966	గూడఛారి 116		మల్లికార్జున రావు
26	1967	పిన్ని	విజయ నిర్మల	బి.ఎ. సుబ్బారావు
27	1967	శ్రీశ్రీశ్రీ మర్యాద రామన్న	రాజశ్రీ	కె. హేమాంభరధర రావు
28	1967	సత్యమే జయమ్	రాజశ్రీ	పి.వి. రామారావు
29	1967	ప్రైవేట్ మాష్టర్		కె. విశ్వనాధ్
30	1967	శ్రీకృష్ణావతారం		కమలాకర కామేశ్వరరావు
31	1967	పుణ్యవతి		దాదా మిశ్రి
32	1967	ఆడపడుచులు	వాణిశ్రీ	కె. హేమాంభరధర రావు
33	1967	రక్త సింధూరం	పండరీభాయి	సీ. సీతారామ్
34	1967	కాంభోజరాజు కధ	రాజశ్రీ	కమలాకర కామేశ్వరరావు
35	1967	పూలరంగడు	విజయ నిర్మల	ఆదుర్తి సుబ్బారావు
36	1968	బార్య	వాణిశ్రీ	కే. యస్. ప్రకాశ రావు
37	1968	చుట్టరికాలు	లక్ష్మి	పేకేటి శివరామ్
38	1968	మన సంసారం	భారతి	సి.యస్. రావు
39	1968	లక్ష్మి నివాసం	భారతి	వి. మధుసూధన రావు
40	1968	పంతాలు-పట్టింపులు	వాణిశ్రీ	కె.బి. తిలక్
41	1968	జీవిత బంధం		యమ్.యస్. గోపీనాథ్
42	1968	వీరాంజనేయ		కమలాకర కామేశ్వరరావు
43	1968	కలసిన మనసులు	భారతి	కమలాకర కామేశ్వరరావు
44	1968	కుంకుమ భరిణె		వేదాంతం రాఘవయ్య
45	1969	మంచి మిత్రులు		టి. రామారావు
46	1969	బంగారు పంజరం	వాణిశ్రీ	బి.యన్. రెడ్డి
47	1969	విచిత్ర కుటుంబం	షీలా	కే. యస్. ప్రకాశ రావు
48	1969	సత్తెకాలపు సత్తెయ్య	రాజశ్రీ	కే. యస్. ప్రకాశ రావు
49	1969	బుద్దిమంతుడు	విజయ నిర్మల	బాపు
50	1969	నిండు హృదయాలు	గీతాంజలి	కె. విశ్వనాథ్
51	1969	మనుష్యులు మారాలి	శారద	వి. మధుసూధన రావు
52	1969	మాతృదేవత	చంద్రకళ	సావిత్రి
53	1969	కన్నుల పండగ	కె.ఆర్. విజయ	అనిశెట్టి
54	1969	తారాశశాంకం	దేవిక	మనపురం
55	1969	ప్రతీకారం	సంద్యారాణి	యమ్. నాగేశ్వర రావు
56	1970	భలే గూడచారి	సునంద	హోమి వదయ
57	1970	పెత్తందార్లు		సి.యస్. రావు
58	1970	ఇద్దరు అమ్మాయిలు	వాణిశ్రీ	పుతన్న
59	1970	మా మంచి అక్కయ్య	కె.ఆర్. విజయ	వి. రామచంద్ర రావు
60	1970	పసిడి మనుష్యులు	శారద	సుబ్రమణ్యమ్
61	1970	జగజ్జెట్టీలు	వాణిశ్రీ	కె.వి. నందన రావు
62	1970	తల్లిదండ్రులు	వై.విజయ	కె.బాబూరావు
63	1970	మాయని మమత	లక్ష్మి	కమలాకర కామేశ్వరరావు
64	1970	ఇంటి గౌరవం	ఆరతి	బాపు
65	1970	దేశమంటే మనుషులోయ్	చంద్రకళ	సి.ఎస్.రావు
66	1970	మూగ ప్రేమ	విజయ లలిత	జి.రామినీడు
67	1970	కథానాయకురాలు	వాణిశ్రీ	గిడుతూరి సూర్యం
68	1970	విచిత్ర దాంపత్యం	విజయ నిర్మల	పి.చంద్ర శేఖర రెడ్డి
69	1970	దెబ్బకు ఠా దొంగల ముఠా	వాణిశ్రీ	సుబ్రహ్మణ్యం
70	1971	సతీ అనసూయ	జమున	బి.ఎ.సుబ్బారావు
71	1971	సిసింద్రీ చిట్టిబాబు	శారద	ఎ.సంజీవి
72	1971	కళ్యాణ మండపం	కాంచన	వి.మధుసూదన రావు
73	1971	తాసిల్దారు గారి అమ్మాయి	జమున	కే. యస్. ప్రకాశ రావు
74	1971	బంగారు తల్లి	వెన్నిరాడై నిర్మల	తాపీ చాణక్య
75	1971	నా తమ్ముడు	భారతి	కే. యస్. ప్రకాశ రావు
76	1971	చిన్ననాటి స్నేహితులు	వాణిశ్రీ	కె.విశ్వనాధ్
77	1971	రామాలయం	విజయ నిర్మల	కె.బాబూరావు
78	1971	కూతురు కోడలు	విజయలలిత	పి. లక్ష్మిదీపక్
79	1971	తల్లీ కూతుళ్ళు	కాంచన	జి.రామినీడు
80	1971	జగజ్జెంత్రీలు	వాణిశ్రీ	పి.లక్ష్మిదీపక్
81	1972	వంశోద్ధారకుడు	కాంచన	పి.సాంబశివరావు
82	1972	కిలాడి బుల్లోడు	చంద్రకళ	నందమూరి రమేష్
83	1972	శాంతి నిలయం	చంద్రకళ	వైకుంఠ శర్మ
84	1972	కన్నతల్లి	చంద్రకళ	టి.మాధవరావు
85	1972	అమ్మ మాట	వాణిశ్రీ	కమలాకర కామేశ్వరరావు
86	1972	సంపూర్ణ రామాయణం	చంద్రకళ	బాపు
87	1972	మానవుడు-దానవుడు	శారద / రీనా	పి.చంద్రశేఖర రెడ్డి
88	1972	కాలం మారింది	శారద	కె.విశ్వనాధ్
89	1973	పెద్దకొడుకు	కాంచన	కె.ఎస్.ప్రకాశ రావు
90	1973	పుట్టినిల్లు-మెట్టినిల్లు	చంద్రకళ	పట్టు
91	1973	మైనర్ బాబు	వాణిశ్రీ	టి.ప్రకాశరావు
2	1973	జీవన తరంగాలు	వాణిశ్రీ	టి.రామారావు
93	1973	శారద	శారద, జయంతి	కె.విశ్వనాధ్
94	1973	జీవితం	జయంతి	కే. యస్. ప్రకాశ రావు
95	1973	డాక్టర్ బాభు	జయలలిత	టి.లెనిన్ బాబు
96	1973	ఇదా లోకం	శారద	కె.ఎస్.ప్రకాశ రావు
97	1974	కోడె నాగు	చంద్రకళ, లక్ష్మి	కే. యస్. ప్రకాశ రావు
98	1974	కన్నవారి కలలు	వాణిశ్రీ, లత	ఎస్.ఎస్.బాలన్
99	1974	ఖైదీ బాబాయ్	వాణిశ్రీ	టి.కృష్ణ
100	1974	గంగ-మంగ	వాణిశ్రీ	తాపీ చాణక్య / వి.రామచంద్రరావు
101	1974	అందరూ దొంగలే	లక్ష్మి	వి.బి.రాజేంద్ర ప్రసాద్
102	1974	చక్రవాకం	వాణిశ్రీ	కే. యస్. ప్రకాశ రావు
103	1974	మంచి మనుషులు	మంజుల	వి.బి.రాజేంద్ర ప్రసాద్
104	1975	అందరూ మంచివారే	మంజుల	యస్.యస్. బాలన్
105	1975	దేవుడు చేసిన పెళ్ళి	శారద	ఎమ్.ఎస్.రెడ్డి
106	1975	బాబు	వాణిశ్రీ	కే. రాఘవేంద్ర రావు
107	1975	జీవన జ్యోతి	వాణిశ్రీ	కె.విశ్వనాధ్
108	1975	బలిపీఠం	శారద	దాసరి నారాయణరావు
109	1975	జేబు దొంగ	జయసుధ	వి.మధుసూదనరావు
110	1975	గుణవంతుడు	మంజుల	ఆదుర్తి సుబ్బారావు
111	1975	సోగ్గాడు	జయచిత్ర, జయసుధ	కె.బాపయ్య
112	1976	పిచ్చిమారాజు	మంజుల	వి.బి.రాజేంద్ర ప్రసాద్
113	1976	ఇద్దరూ ఇద్దరే	మంజుల	వి.మధుసూదనరావు
114	1976	రాజా		కే. రాఘవేంద్ర రావు
115	1976	ప్రేమబంధం	వాణిశ్రీ	కె.విశ్వనాధ్
116	1976	పొగరుబోతు	వాణిశ్రీ	టి.ప్రకాశరావు
117	1976	మొనగాడు	జయసుధ, మంజుల	టి.కృష్ణ
118	1976	రాజు వెడలె	జయసుధ	టి. రామారావు
119	1977	కురుక్షేత్రం	లత	కమలాకర కామేశ్వరరావు
120	1977	జీవితనౌక	జయసుధ, జయప్రద	కె.విశ్వనాధ్
121	1977	ఈతరం మనిషి	జయప్రద	వి.మధుసూదనరావు
122	1977	ఖైదీ కాళిదాస్	దీప	సి. సుబ్రమణ్యం
123	1977	గడుసు పిల్లోడు	జయసుధ	కె.బాపయ్య
124	1978	నాయుడు బావ	జయసుధ, జయప్రద	పి.చంద్రశేఖర రెడ్డి
125	1978	నిండు మనిషి	జయచిత్ర	యస్.డి. లాల్
126	1978	మంచి బాబాయి	జయచిత్ర	టి.కృష్ణ
127	1978	కాలాంతకులు	జయసుధ	కె.ఎస్.ఆర్.దాస్ / కె.విశ్వనాధ్
128	1978	మల్లెపూవు	జయసుధ, లక్ష్మి	వి.మధుసూదనరావు
129	1978	రాధాకృష్ణ	జయప్రద	వి.మధుసూదనరావు
130	1978	ఎంకి-నాయుడు బావ	వాణిశ్రీ	బోయిన సుబ్బారావు
131	1979	కార్తీక దీపం	శారద, శ్రీదేవి, గీత	పి.లక్ష్మిదీపక్
132	1979	జూదగాడు	జయసుధ	వి.మధుసూదనరావు
133	1979	మండే గుండెలు	జయసుధ	కె.బాపయ్య
134	1979	గోరింటాకు	సుజాత, వక్కలంక పద్మ	దాసరి నారాయణరావు
135	1979	బంగారు చెల్లెలు	జయసుధ	వి.మధుసూదనరావు
136	1979	రామబాణం	జయసుధ	జి.రామమోహనరావు
137	1980	కక్ష	శ్రీదేవి	వి.సి. గుహనాథన్
138	1980	కోడళ్ళొస్తున్నారు జాగ్రత్త	శారద, గీత	కట్టా సుబ్బారావు
139	1980	మహాలక్ష్మి	వాణిశ్రీ / సుభాషిణి	రాజచంద్ర
140	1980	చండీప్రియ	జయప్రద	వి.మధుసూదనరావు
141	1980	చేసిన బాసలు	జయప్రద	కె.ఎస్.ఆర్.దాస్
142	1980	మోసగాడు	శ్రీదేవి	కే. రాఘవేంద్ర రావు
143	1980	సన్నాయి అప్పన్న	జయప్రద	పి.లక్ష్మిదీపక్
144	1980	ధర్మచక్రం	జయప్రద	పి.లక్ష్మిదీపక్
145	1980	రాముడు పరశురాముడు	లత	ఎమ్.ఎస్.గోపీనాధ్
146	1980	మానవుడే మహనీయుడు	సుజాత	పి.చంద్రశేఖర రెడ్డి
147	1981	పండంటి జీవితం	సుజాత	టి.రామారావు
148	1981	ఇల్లాలు	శ్రీదేవి, జయసుధ	టి.రామారావు
149	1981	దీపారాధన	జయప్రద	దాసరి నారాయణరావు
150	1981	జీవిత రథం	రతి	వి.మధుసూదనరావు
151	1981	జగమొండి	రతి	వి.మధుసూదనరావు
152	1981	దేవుడు మామయ్య	వాణిశ్రీ	రాజచంద్ర
153	1981	సంసారం-సంతానం	జయసుధ	వి.మధుసూదనరావు
154	1981	ఘరానా గంగులు	శ్రీదేవి	కట్టా సుబ్బారావు
155	1981	గిరిజా కళ్యాణం	జయప్రద	కె.ఎస్.ఆర్.దాస్
156	1981	అల్లుడుగారు, జిందాబాద్!	గీత	కట్టా సుబ్బారావు
157	1982	వంశగౌరవం	సుజాత	రవీందర్ రెడ్డి
158	1982	కృష్ణార్జునులు	జయప్రద	దాసరి నారాయణరావు
159	1982	ప్రేమమూర్తులు	రాధ, లక్ష్మి	ఎ.కోదండరామిరెడ్డి
160	1982	ప్రతీకారం	సుజాత	జి. రామినీడు
161	1982	స్వయంవరం	జయప్రద	దాసరి నారాయణరావు
162	1982	దేవత	శ్రీదేవి, జయప్రద	కే. రాఘవేంద్ర రావు
163	1982	ఇల్లాలి కోరికలు	జయసుధ	జి.రామమోహనరావు
164	1982	బందాలు-అనుబంధాలు	లక్ష్మి	భార్గవ్
165	1982	కోరుకున్న మొగుడు	జయసుధ	కట్టా సుబ్బారావు
166	1982	ఇద్దరు కొడుకులు	రాధ	ఎ.కోదండరామిరెడ్డి
167	1983	ముందడుగు	జయప్రద	కె.బాపయ్య
168	1983	ముగ్గురు మొనగాళ్ళు	రాధిక	టి. రామారావు
169	1983	బలిదానం	మాధవి	ఎస్.ఎ.చంద్రశేఖర
170	1983	రఘురాముడు	శారద	కొమ్మినేని
171	1983	తోడు-నీడ	సరిత, రాధిక	వి. జనార్థన్
172	1983	రాజకుమార్	జయసుధ / అంబిక	జి. రామినీడు
173	1984	ఇద్దరు దొంగలు	రాధ	కే. రాఘవేంద్ర రావు
174	1984	ఇల్లాలు-ప్రియురాలు	సుహాసిని, ప్రీతి	కోదండరామిరెడ్డి
175	1984	అభిమన్యుడు	విజయశాంతి	దాసరి నారాయణరావు
176	1984	బావామరదళ్ళు	సుహాసిని, రాధిక	ఎ.కోదండరామిరెడ్డి
177	1984	పుణ్యం కొద్ది పురుషుడు	జయసుధ	కట్టా సుబ్బారావు
178	1984	జగన్	జయసుధ	దాసరి నారాయణరావు
179	1984	కోడెత్రాచు	శ్రీదేవి	ఎ.కోదండరామిరెడ్డి
180	1984	దండయాత్ర	జయసుధ	కె.బాపయ్య
181	1984	మిస్టర్ విజయ్	రాధ	కోదండరామి రెడ్డి
182	1984	బార్యామణి	జయసుధ	విజయబాపినీడు
183	1984	దానవుడు	జయసుధ	కె.బాపయ్య
184	1984	సంపూర్ణ ప్రేమాయణం	జయప్రద	యన్.బి. ఛక్రవర్తి
185	1985	దేవాలయం	విజయశాంతి	టి.కృష్ణ
186	1985	మహారాజు	సుహాసిని	విజయ బాపినీడు
187	1985	ముగ్గురు మిత్రులు	సుహాసిని	రాజచంద్ర
188	1985	శ్రీవారు	విజయశాంతి	బీ. భాస్కర రావు
189	1985	మహాసంగ్రామం	జయసుధ	ఎ.కోదండరామిరెడ్డి
190	1985	కొంగుముడి	జయసుధ	విజయ బాపినీడు
191	1985	మాంగళ్యబలం	జయసుధ, రాధిక	బోయిన సుబ్బారావు
192	1985	జాకి	సుహాసిని	బాపు
193	1985	ఊరికి సోగ్గాడు	విజయశాంతి	బి.వి.ప్రసాద్
194	1986	శ్రావణ సంద్య	విజయశాంతి/సుహాసిని	ఎ.కోదండరామిరెడ్డి
195	1986	బంధం	రాధిక	రాజచంద్ర
196	1986	డ్రైవర్ బాబు	రాధ	బోయిన సుబ్బారావు
197	1986	మిస్టర్ భరత్	సుహాసిని	రాజచంద్ర
198	1986	జీవన పోరాటం	విజయశాంతి	రాజచంద్ర
199	1986	జీవన రాగం	జయసుధ	బి.వి.ప్రసాద్
200	1986	ధర్మపీఠం దద్దరిల్లింది	జయసుధ	దాసరి నారాయణరావు
201	1986	విజృంభణ	శోభన	రాజచంద్ర
202	1986	అడవి రాజ	రాధ	కె.మురళి మోహనరావు
203	1986	చక్కనోడు	విజయశాంతి	బి. భాస్కరరావు
204	1986	జైలుపక్షి	రాధిక	కోడి రామకృష్ణ
205	1987	పున్నమి చంద్రుడు	సుహాసిని	విజయ బాపినీడు
206	1987	ఉమ్మడి మొగుడు	కీర్తీ సింగ్	బీ. భాస్కర రావు
207	1987	కళ్యాణ తాంబూలం	విజయశాంతి	బాపు
208	1987	కార్తీక పౌర్ణమి	భానుప్రియ	ఎ.కోదండరామిరెడ్డి
209	1987	పుణ్యదంపతులు	సుహాసిని	జీ. అనిల్ కుమార్
210	1988	సంసారం	జయప్రద	రేలంగి నరసింహారావు
211	1988	దొంగ పెళ్ళి	విజయశాంతి	రవిరాజా పినిశెట్టి
212	1988	దొరగారింట్లొ దొంగోడు	రాధ	కోడి రామకృష్ణ
213	1988	చట్టంతో చదరంగం	శారద	కే. మురళీమోహన రావు
214	1988	బార్యాభర్తలు	రాధ	కే. మురళీమోహన రావు
215	1988	అన్నా చెల్లెలు	రాధిక	రవిరాజా పినిశెట్టి
216	1989	దొరికితే దొంగలు	విజయశాంతి	కే. మురళీమోహన రావు
217	1989	సోగ్గాడి కాపురం	రాధ	కోడి రామకృష్ణ
218	1990	దోషి-నిర్దోషి	సుమిత్ర	వై. నాగేశ్వర రావు
219	1991	సర్పయాగం	రేఖ	పరుచూరి బ్రదర్స్
220	1991	అగ్ని నక్షత్రం		శరత్
221	1992	బలరామకృష్ణులు	శ్రీవిద్య	రవిరాజా పినిశెట్టి
222	1992	అశ్వమేధం	గీత	కే. రాఘవేంద్ర రావు
223	1993	ఏమండీ!... ఆవిడ వచ్చింది	శారద, వాణిశ్రీ	ఈ.వీ.వీ. సత్యనారాయణ
224	1994	జీవితఖైది	జయసుధ, జయప్రద	కే. అజయ్ కుమార్
225	1995	ఆస్తి మూరెడు-ఆశ బారెడు	జయసుధ	కోడి రామకృష్ణ
226	1995	దొరబాబు	ప్రియారామన్	బోయిన సుబ్బారావు
227	1995	అడవి దొర	రాధ, సురభి	కే. అజయ్ కుమార్
228	1996	హలో... గురూ!	ఆమని, సుహాసిని	వెంకట్రావు