అపోలో హాస్పిటల్స్‌లో అపాక్స్ పెట్టుబడులు

తమ సంస్థలో అపాక్స్ పార్ట్నర్స్ రూ. 426.4 కోట్ల పెట్టుబడి పెట్టనుందని అపోలో హాస్పిటల్స్‌ తెలిపింది. ప్రపంచవ్యాప్తంగా 20 బిలియన్ డాలర్ల పెట్టుబడిని అపాక్స్ పార్ట్నర్స్ పెట్టనుండగా, అందులో తాము కూడా వాటా దక్కించుకున్నామని వెల్లడించింది. భవిష్యత్తులో చేపట్టబోయే హాస్పిటల్స్ నిర్మాణ, విస్తరణ పథకాలకు ఈ పెట్టుబడిని వెచ్చించనున్నట్టు అపోలో హాస్పిటల్స్ తెలిపింది.ఈ ప్రతిపాదనకు అపోలో హాస్పిటల్స్ డైరెక్టర్ల బోర్డు అంగీకారం తెలిపింది. పది రూపాయల ముఖ విలువ కలిగిన 70.47 లక్షల ఈక్విటీ షేర్లను ప్రాధాన్యత ప్రాతిపదికన విడుదల చేసేందుకు అంగీకరించింది. ఈ సందర్భంగా అపోలో హాస్పిటల్స్ గ్రూపునకు కొత్త వైస్‌ప్రెసిడెంట్‌గా గ్రాంట్ ఆర్ మడ్లేను నియమించారు.