ప్రకాష్ రాజ్ విడాకులు!

క్యారెక్టర్ ఆర్టిస్టుగా అనేక ప్రేమ జంటలకు దారి చూపిన ప్రకాష్ రాజ్ కుటుంబ జీవితంలో పరాజయం పాలయ్యారు. తన భార్య, ఒకనాటి నటి అయిన లలిత కుమారికి విడాకులు ఇచ్చినట్టు ప్రకాష్ రాజ్ మీడియా ఎదుట అంగీకరించారు. చెన్నై ఎగ్మోర్ ఫ్యామిలీ కోర్టులో ఆయన విడాకుల పిటిషన్ దాఖలు చేశారు.ప్రకాష్ రాజ్ చాలాకాలంగా వైవాహిక జీవితంలో ఇబ్బందులు ఎదుర్కొంటున్నట్టు తెలుస్తోంది. చాలా కాలంగా తన భార్య, తాను దూరంగా ఉంటున్నామని, లీగల్ గా విడిపోడానికి ఇప్పుడు నిర్ణయం తీసుకున్నామని ప్రకాష్ రాజ్ విలేకరులకు చెప్పారు. తన కూతురిని మాత్రం తన సంరక్షణలో ఉంచవలసిందిగా న్యాయస్ధానాన్ని అభ్యర్ధించారు.