చిరు అక్రమార్జనపై కాంగ్రెస్ కన్ను!

హీరో చిరంజీవి ఉగాది నాడు పార్టీ ప్రారంభించనున్న నేపధ్యంలో అధికార కాంగ్రెస్ పార్టీ పావులు కదుపుతోంది. చిరంజీవిని ఎలాగైనా అప్రదిష్ట పాలు చేయాలన్నది వారి వ్యూహంగా కన్పిస్తోంది.చిరంజీవి ప్రధానంగా బ్లడ్ బ్యాంక్, ఐ బ్యాంక్ ద్వారా సమాజ సేవ చేస్తున్నారు. చంద్రబాబు నాయుడు హయాంలో ఆయనకు జూబిలీహిల్స్ లో విలువైన స్ధలాన్ని బ్లడ్ బ్యాంక్ కోసం ప్రభుత్వం నామ మాత్రపు ధరకు కేటాయించింది. ఇప్పుడు చిరంజీవి బ్లడ్ బ్యాంక్ మీద, ఐ బ్యాంక్ మీద కాంగ్రెస్ నాయకులు దుష్ప్రచారం చేయడానికి సిద్ధమవుతున్నారు. ఆ ప్రచారాన్ని తిప్పికొట్టడానికి చిరంజీవి అభిమానులు సిద్ధం కావలసి ఉంది. చిరంజీవి ట్రస్టు వాణిజ్యం చేయడంలేదని, ప్రజాసేవ చేస్తోందని వారు ప్రజలకు చెప్పాల్సిన అవసరముంది.